అన్నమాచార్య కీర్తన - ఊరకే దొరకునా
ఊరకే దొరకునా ఉన్నతోన్నత సుఖము
సారంబు దెలిసికా జయము చేకొనుట
తలఁపు లోపలిచింత దాఁటినప్పుడు గదా!
అలరి దైవంబు ప్రత్యక్షమౌట,
కలుషంపు దుర్మదము గడచినప్పుడు గదా!
తలకొన్న మోక్షంబు తనకుఁ జేపడుట
కర్మంబు కసటువోఁ గడిగినప్పుడు గదా!
నిర్మలజ్ఞానంబు నెరవేరుట,
మర్మంబు శ్రీహరి నీ మఱఁగు చొచ్చినఁ గదా!
కూర్మిఁ దన జన్మ మెక్కుడు కెక్కుడౌట
తనశాంత మాత్మలోఁ దగిలినప్పుడు గదా!
పనిగొన్న తన చదువు ఫలియించుట
ఎనలేని శ్రీవేంకటేశ్వరుని దాస్యంబు
తనకు నచ్చినఁ గదా దరిచేరి మనుట
(సంపుటం - 02, సంకీర్తనం - 104)
తాత్పర్యం: ప్రయత్నించకపోతే లోకములో ఏదీ లభించదు. ఎంత గొప్ప లాభాన్ని కోరుకుంటామో, అంత గొప్ప ప్రయత్నాన్ని చేయాలి మనము. కానీ, ప్రతి జీవి 'సుఖమునే' కోరుచున్నది. సుఖము - నిత్యము, అనిత్యమని రెండు రకాలు. ప్రాపంచిక సుఖాలన్నీ అనిత్యాలే. మోక్ష సుఖమొక్కటే నిత్యము. అందుకే అది 'ఉన్నతోన్నత సుఖము' గా అన్నమయ్య కీర్తిస్తున్నారు.
.jpg)
No comments:
Post a Comment