Annamacharya Keerthana - Ehaparasaadhana

                                          అన్నమాచార్య కీర్తన - ఇహపరసాధన 

ఇహపరసాధన మిది యొకటే 

సహజపు మురారి సంకీర్తననొకటే 

భవసాగరముల బాపెడిది తేప 

భువి నజ్ఞానముపులి వాకట్టిది 

జవళి నాశాపాశములకు కొడువలి 

నవనీతచోరు నామం బొకటే 

చింతా తిమిరము చెరచేటి సూర్యుడు 

అంతట దరిద్రపూతపు నిధానము 

వింత మరణభయవినాశ మంత్రము 

మంతుకు పూరినామంబిది యొకటే 

మించు దుఃఖముల మృతసంజీవని 

అంచల పంచేంద్రియముల కంకుశము 

ఎంచగ శ్రీ వెంకటేశు దాసులకు 

పంచిన పాళ్ళ పరగిన దొకటే  

                                                                  (సంపుటం - 04, సంకీర్తనం - 16)

తాత్పర్యం: ఈ సంకీర్తనలో ఇహపరాలను సాధించడానికి సాధనము 'మురారి సంకీర్తనమొకటేనని' చాటి చెబుతూ, భవబంధాలను, అజ్ఞానాంధాకారాలను, దారిద్యాన్ని, మరణభయాన్ని, పలు బాధలను, పంచేద్రియాల వికారాలను ఏ విధంగా రూపు మాపాలో చక్కగా స్పష్టం చేస్తున్నాడు అన్నమయ్య!