Telugu Chikku Prasnalu

తెలుగు చిక్కు ప్రశ్నలు - జవాబులు

1. తీసిన కొద్దీ పెద్దదయ్యేది ఏది ? (జవాబు - గొయ్యి)

2. ఎలక్ట్రిక్ రైలు తూర్పు నుండి పడమరకు పోతున్నది. గాలి పడమర నుండి తూర్పుగా వీస్తున్నది. రైలు పొగ ఏవైపుగా పోతుంది?(జవాబు - ఎలక్ట్రిక్ రైలుకు పొగే ఉండదు)

3. కాయగాని కాయ మీద కాయగాని కాయ వేస్తే, కుయ్యో, మొఱ్ఱో అన్నాట్ట!  (జవాబు - తలకాయ మీద మొట్టికాయ)

4. మా దొడ్లో పూల మీద సీతాకోకచిలుకలు వచ్చి వాలినై. పువ్వుకొకటి చొప్పున వాలితే ఒక సీతాకోకచిలుక మిగిలి పోతున్నది. పువ్వుకు రెండు చొప్పున వాలితే, ఒక పువ్వు మిగిలి పోతున్నది. పూలెన్ని? సీతాకోకచిలుకలు ఎన్ని ? (జవాబు - పూలు - మూడు(3); సీతాకోకచిలుకలు - నాలుగు (4))

5. ఆకాశాన్ని ఆ చివరి నుంచీ ఈ చివరి దాకా కప్పి వేసే ముచ్చటైన ఆయుధం ఏది?(జవాబు : ఇంధ్ర ధనుస్సు)

6. పిట్ట గాని పిట్ట, నాలుగు కాళ్ళతో నడుస్తుంది. ఏమిటది?(జవాబు : లొట్ట పిట్ట - ఒంటె)

7. వ్రాత పుస్తకం వెల 3 రూపాయలు. పెన్సిల్ వెల అర్ధ రూపాయి. 100 రూపాయలకు 100 పుస్తకాలు కొనాలి. ఎలా?(జవాబు : 20 పుస్తకాలు 60 రూపాయలు, 80 పెన్సిళ్ళు 40 రూపాయలు, 100 వస్తువులు 100 రూపాయలు)

8. ఎంతమందికి పంచి యిచ్చినా తరగనిది ఏది?(జవాబు : విద్య)

9. ముగ్గురు వర్తకుల్ని అడవిలో నలుగురు దొంగలు పట్టుకొని పోతున్నారు. ఇంతలో "చంపుతా, మింగుతా" అంటూ ఒక భూతం ఎదురైంది. మొదటివాడు చాలా తెలివైనవాడు. భూతంతో ఇలా అన్నాడు "భూతమా! మేము ఏడుగురం వరుసలో నిలబడుతాము. మొదటి నుండి ప్రతి 4 వ వాణ్ణి లెక్కపెట్టి తిను. వంతు వచ్చిన మొదటి నలుగుర్ని తిని నీదారిన నీవుపో". దయ్యం సరే అంది. వర్తకుడు ఏడుగుర్ని ఒక వరుసలో నిలబెట్టాడు. దయ్యం ప్రతి నాలగవ వాణ్ణి లెక్క పెట్టి తినేసింది; నాలుగుసార్లు దొంగల వంతే వచ్చింది. ఒక్క దెబ్బన దొంగలు, దెయ్యం  రెండింటి పీడ వదలించుకున్నాడు వర్తకుడు. ఇందులో అతడు వరుస ఎలా ఏర్పాటు చేశాడు?(జవాబు : వర్తకుల్ని వరుసలో 2,3,7 స్థానాల్లో, మిగిలిన నాలుగు స్థానాల్లో (1,4,5,6,8) దొంగల్ని నిలబెట్టాడు.)

10. పాలుగాని పాలు పాలు, పెంచిన కారుగాని కారు, వరంగాని వరం చేయించుకోటానికి వెళ్ళాడు.(జవాబు : జులపాలు, షావుకారు, క్షవరం)

11. కీలుగాని కీలు, వరిగాని వరిలో వనంగాని వనం కొన్నాడట. (జవాబు : వకీలు, జనవరి, భవనం)

12. ఒక ఆసామికి 9 బర్రెలు ఉన్నాయి. ఒకటో బర్రె ఒక శేరు, రెండోది రెండు శేర్లు, మూడోది మూడు ...... , ఇలా తొమ్మిదో బర్రె 9 శేర్లు పాలిచ్చేవి. ఆ ఆసామి తన ముగ్గురు కొడుకులకు మూడేసి బర్రెల చొప్పున పంచి ఇచ్చాడు. అంతే కాదు, ఒక్కొక్కనికి వచ్చిన మూడు బర్రెలు ఇచ్చే పాలు కూడా సమానమే. అతడు ఎలా పంచాడు? (జవాబు : ఈ పక్క చదరంలో ఒక్కొక్క గడి ఒక బఱ్ఱె అనుకుందాము. అది ఇచ్చేపాలు ఆ గడిలోనే అంకెల్లో చూపాము. ఒకొక్కని వంతుకు మూడు బర్రెలు, 15 శేర్ల పాలు వచ్చాయి. 8 1 6 ------->15 శేర్లు; మూడేసి 3 5 7----->15 శేర్లు; బర్రెలు  4 9 2 -------> 15 శేర్లు)

13. పావుశేరు పాలల్లో పాలెన్ని? (జవాబు : రెండు ('పా' అనే అక్షరం)

14. మామిడి చెట్టెక్కి ఒకడు పండ్లు కోశాడు. రెండవ వాడు ఏరాడు. పండ్లలో రెండు వంతులు కోసినవాడికి, ఒక వంతు ఏరిన వాడికి అనే ఒప్పందం ప్రకారం పంచుకున్నారు. ఏరిన వాడు కొసరి ఒకటి ఎక్కువ తీసుకున్నాడు. దీనితో ఇద్దరి పండ్లు సమానం అయ్యాయి. కోసిన పండ్లెన్ని? ఎవరెన్ని తీసుకున్నారు? (జవాబు : కోసినవి 6 పండ్లు, పంచుకున్నది 4 + 2; చివరకు 3 + 3)

15. ఇవి ఏమిటో చెప్పుకోండి చూద్దాం : వలగాని వల (జవాబు : నవల) కొమ్ము గాని కొమ్ము (జవాబు : శొంఠి / పసుపు) కారు గాని కారు(జవాబు : షికారు / పుకారు / పట్టుకారు) స్త్రీ గాని స్త్రీ (జవాబు : ఇస్త్రీ)

16. నాలుగు అక్షరాల పదం - అర్థం శివుడు, మొదటి అక్షరం తప్పిస్తే, విష్ణువు, మళ్లీ అలాగే చేస్తే భర్త. (జవాబు : ఉమాపతి - మాపతి - పతి)

17. జూలోని ఒక విభాగంలో పాములూ సాలీడులూ కలిపి ఉన్నాయి. ఆ విభాగంలో మొత్తం 24 తలలు, 64 కాళ్లు ఉన్నాయి. మరి ఆ విభాగంలో ఏవేవి ఎన్నేసి ఉన్నాయో చెప్పగలరా? (సాలీడుకి 8 కాళ్లు ఉంటాయనీ పాముకి కాళ్లు ఉండవనీ తెలుసు కదా!) (జవాబు : సాలీడులు 8, పాములు - 16)

18. మా తోటలో అందమైన పూలచెట్లు ఉన్నాయి. అయితే ఆ పూల చెట్లపై సీతాకోకచిలుకలు వాలాయి. పువ్వుకు ఒకటి చొప్పున వాలితే ఒక సీతాకోకచిలుక మిగిలిపోతున్నది. పువ్వుకు రెండు చొప్పున వాలితే ఒక పువ్వు మిగిలిపోతుంది. అయితే పూలెన్ని? సీతాకోకచిలుకలు ఎన్ని? (జవాబు : పువ్వులు - 3, సీతాకోకచిలుకలు  - 4)

జీవన్, తరుణ్, లావణ్య, మహేష్, కమల ఒక బెంచీ మీద కూర్చుని ఉన్నారు. జీవన్ కి కుడివైపు తరుణ్ ఉన్నాడు. జీవన్ కి ఎడమ వైపునా, లావణ్యకి కుడి వైపునా మహేష్ ఉన్నాడు. కమలకి ఎడమవైపు తరుణ్ ఉన్నాడు. అయితే ఎడమ నుంచి కుడికి వారి వరుస చెప్పండి. (జవాబు : లావణ్య, మహేష్, జీవన్, తరుణ్, కమల)

సన్నీ బన్నీ సినిమాకి వెళ్ళాలనుకున్నారు. అయితే ఏ షోకి వెళ్లాలీ అనే విషయం మీద సన్నీ బన్నీతో ఇలా అన్నాడు. 'మనం వెళ్లవలసిన షో సమయం ఇంగ్లిషులో నాలుగు అక్షరాలతో ఉంటుంది. ఆ పదాన్ని తలకిందులుగా చూసినా ఒకేలా ఉంటుంది. ఇలాంటి నాలుగక్షరాల పదం ఆంగ్లంలో ఇదొక్కటే'. ఇంతకీ వాళ్లు వెళ్లాల్సిన షో ఏది?(Noon)

రాము దగ్గర 100 చాక్లెట్లు ఉన్నాయి. వాటిని అయిదు రోజుల్లో తినాలి. మొదటి రోజు తిన్న చాక్లెట్లకంటే రెండో రోజు ఆరు ఎక్కువగా తినాలి. రెండో రోజుకంటే మూడోరోజు మరో ఆరు ఎక్కువగా....ఈ పద్దతిలో రోజూ తినాలి. అయితే అతడు రోజూ వరుసగా ఎన్నేసి చాక్లెట్లు తినాలో చెప్పగలరా? జవాబు: 8+14+ 20+ 26 + 32