Bhaskara Shataka Padyalu - Okkade Chaalu

భాస్కర శతక పద్యాలు -  ఒక్కడె చాలు  

ఒక్కడె చాలు నిశ్చలబలోన్నతుఁ డెంతటి కార్యమైనఁదాఁ
జక్క నొనర్పఁ గౌరపు లసంఖ్యులు పట్టిన థేనుకోటులం
జిక్కఁగ నీక తత్ప్రబలసేన ననేక శిలీముఖంబులన్
మొక్కవడంగఁ జేసి తుద ముట్టఁడె యొక్క కిరీటి  భాస్కరా!

తాత్పర్యము:  ఉక్కుగల వాడొక్కడైనను ఎంత ఘనకార్యమైన సాధింపగలడు. మహాబలశాలి యగు నర్జునుడు తా నొక్కఁడైనను పెక్కురు కౌరవవీరుల గెలిచి యావులను మరలింపలేదా?

Bhaskara Shataka Padyalu - Ela Samasta Vidyalu

భాస్కర శతక పద్యాలు - ఏల సమస్తవిద్యలు 

ఏల సమస్తవిద్యలు నొకించుక భాగ్యము గల్గియుండినన్ 

జాలు ననేకమార్గముల సన్నుతి కెక్కన దెట్లోకో యన్ 

రాలకు నేడ విద్యలు తిరంబుగ దేవరరూపు చేసినన్ 

వ్రాలి నమస్కరించి స్రవంబులు వెట్టరె మీఁద భాస్కరా!

తాత్పర్యము:  రాళ్లు విద్యలు నేర్వకున్నను, వానిని దేవతా విగ్రహముగా చేసినచో వాని పాదముల మీద పడి, పూవులతో వానిని మానవులు పూజింతురు. అటులనే కొంచెము భాగ్యమైనను గల మానవుడు అనేక రీతులుగ పొగడబడుచుండును కాని, విద్యలు నేర్చినందున కాదు.